تم نقل المنتدى الى سيرفر الجديد نرجو الدخول الى الموقع الجديد والتسجيل

www.behnam-group.com/vb

(مواصفات الزوج الخائن)

اذهب الى الأسفل

(مواصفات الزوج الخائن)

مُساهمة من طرف Rawi في السبت فبراير 19, 2011 3:17 am

حلوة هذي للنسوان فقط!!!
أقرؤها وسوف لن تندموا!!!!
lol! lol! lol! lol!

أولاً
موبايله دائما مقفول بكلمة سر (باسوورد)...وإذا عنده موبايلين فاثنينهم مقفولات بنفس كلمة السر.. وإذا تسأليه عن السبب يكول: (حتى من يضيع لو ينباك محد يكدر يستعلمه)

ثانياً
كل ما اتخابريه يطلعلك (انتظار)... أما بالبيت فنادراً ما يدك... لييييييييييييش؟؟.. محد يدري

ثالثاً
من يوصل للبيت يخلي موبايله على (الصامت)... والله شنو... ما اريد أحد يزعجني!!!... عليييييينه

رابعاً
إذا طلع من البيت للشغل لو للسوق لو يم جماعته ونسه موبايله... يرجع للبيت وره دقيقتين مثل (الطللللللللللقة) وياخذ الموبايل... صح لو لا؟؟

خامساً
إذا جان نايم يقفله للموبايل... كلشي يصير... إحتمال يدك لو تجيه رسالة وهو نايم وميدري... واتروحين (من باب الفضول) اتشوفين منو لو تقرين الرسالة (كاررررررررثة موووو!!!!).

سادساً
عنده (ردود استباقية).. يعني إذا دك موبايله.. يرفض المكالمة ويكول:... (آآآآهووووو، والله ثبرني فلان.. صار خمسين مرة يدك عليه... ما أريد اجاوبه)... زين إنت منو سائلك؟؟ حتى اتبرر.. لو يلي بعبه معزة يمعمع

سابعاً
أكو (إرتباط شَرطي) بين المسج أو المسكول... وبين طلعته من البيت.... مدري شنو العلاقة بحيث أول متجيه المسج يتحجج بأي حجة علمود يفر ويله ويطلع من البيت

ثامناً
يسولف بالموبايل من أماكن غريبة... مطبخ.. حمام.. حديقة.. طرمة.... المهم ماكو أحد يمه يسمع سوالفه ويه منو... فديري بالج

تاسعاً
الأسماء في موبايلة غريبة مثل
أبو غادة... يعني غادة
عنتر... يعني عبير
أنور... يعني نورا
الفيترجي... التنكجي... أبو المولدة... أبو الحصة
يعني أزهار... هناء... فائزة... ميسون

عاشراً
إذا جنتي وياه بالسيارة... يكولّج فد دقيقة أريد أشتري جكَاير... وينزل من السيارة ويطب لأبو سوبر ماركت ... عشر دقائق علما يرجع... والله شنو.. إزدحام... لا ومرات وره هالتأخير يكول... (والله ماعنده جكاير من الي اني ادخنها)

أحد عشر
فجأة يصير وياج رومانسي جداً ويحبج ويتغزل بيج وبدون سبب او سابق إنذار..... هاي يسموها عقدة الذنب

إثنى عشر
ما يمنعك من الروحة لأي مكان... للسوكَ...للنادي.. يم صديقاتج... المهم متبقين يمه حتى ياخذ راحته... وإنتي كمش متصدكين.. راساً أتطلعين

ثلاثة عشر
كلما يجيب طاري الجهال يكَول: (جهالج)... وميكَول (جهالي) لو (جهالنا)... شي لا إرادي تسبق عملية اي زواج ثانية

أربعة عشر
إذا رحتي لبيت أهلج يخابرج ويكول:... (إذا متونسه خليج يمهم، وباتي همين إذا إتريدين)... وإنتي طبعاً كمش عالتيغه اتصدكين وتسمعين كلامه...... خليج خليج.. خلي يفدوج أهلج إذا اتزوج عليج

خمسة عشر
يسولف بالأمور النسائية بشكل تفصيلي (حمل، مكياج، أظافر، رجيم، ميش)... بحيث تستغربين منين جايب هالمعلومات التفصيلية؟؟... يرادلها روحه للقاضي... من عندها غير

ستة عشر
من يكون عنده موعد وياها... يسويله أي مشكلة وياج ويتعارك.. ويطلع من البيت... حتى أخاف اتخابرين عليه ميجاوبك.. والله شنو!!!!... زعلان منج.

سبعة عشر
من يوصل للبيت بالسيارة.. يبقى كاعد بيها فد عشر دقائق.. وراها يطب للبيت... مو تدرون... السوالف بالأخير على الموبايل إتكون حلوة وما تتعوض.

ثمانية عشر
كل كلامه ويه جماعته بالألغاز... لأن كلهم على شاكلته.. كل مواضيعهم عن بنات


الخلاصــــه :

اذا توفرت في زوجك 3 حالات من الحالات السابقة:
تره إنتي تتوهمين تعوذي من الشيطان الرجيم بس انتبهي

اذا توفرت في زوجك 6 حالات من الحالات السابقة:
خافي على زوجك وابدي شكي بتصرفاته

اذا توفرت في زوجك 10 حالات من الحالات السابقة:
اكيييد انه يخونك لو يريد يتزوج عليج

اذا توفرت في زوجك 15 حالة من الحالات السابقة:
اقطع إيديناتي الاثنين اذا ما كان خاين أو متزوج بوحده لخ

أما إذا اتوفرت كل الحالات الـ 18 بزوجك
عيوني.. لمي غراضج وروحي لبيت اهلج... حالة زوجك ميؤوس منها

scratch scratch scratch scratch scratch scratch
avatar
Rawi
عضو نشط جداً

عدد المساهمات : 84
تاريخ التسجيل : 11/02/2011

الرجوع الى أعلى الصفحة اذهب الى الأسفل

رد: (مواصفات الزوج الخائن)

مُساهمة من طرف داني خيري في السبت فبراير 19, 2011 3:27 am

برد عم كول يالله ترى انت جاي تخرب كول يالله
ههههههههههههههههههههههههههههه
avatar
داني خيري
مساعد اداري
مساعد اداري

الابراج : العقرب

عدد المساهمات : 1211
تاريخ التسجيل : 28/01/2011
العمر : 34
الموقع : http://behnam-croob.yoo7.com

http://behnam-croob.yoo7.com

الرجوع الى أعلى الصفحة اذهب الى الأسفل

رد: (مواصفات الزوج الخائن)

مُساهمة من طرف Rawi في السبت فبراير 19, 2011 3:56 am

scratch lol! scratch lol!
avatar
Rawi
عضو نشط جداً

عدد المساهمات : 84
تاريخ التسجيل : 11/02/2011

الرجوع الى أعلى الصفحة اذهب الى الأسفل

رد: (مواصفات الزوج الخائن)

مُساهمة من طرف فاتن ال يوسف في السبت فبراير 19, 2011 6:05 am

ههههههههههههه
والله ياابن عمي اني اشك هعهعهعهعهعهع
عاشوووووو حب
avatar
فاتن ال يوسف
مساعدة ادارية
مساعدة ادارية

الابراج : القوس

عدد المساهمات : 1321
تاريخ التسجيل : 29/01/2011
العمر : 39
الموقع : بهنام كروب

الرجوع الى أعلى الصفحة اذهب الى الأسفل

رد: (مواصفات الزوج الخائن)

مُساهمة من طرف بهنام عيسى في الأحد فبراير 20, 2011 1:18 am

ههههههههههههههههههههههههه

عاشت ايدك ابن العم

هم زين علمتنا عليهم حتى لا نتورط ونوكع بيها
avatar
بهنام عيسى
اداري
اداري

الابراج : القوس

عدد المساهمات : 759
تاريخ التسجيل : 28/01/2011
العمر : 42
الموقع : behnam-croop.yoo7.com

الرجوع الى أعلى الصفحة اذهب الى الأسفل

رد: (مواصفات الزوج الخائن)

مُساهمة من طرف صفاء كليانه في الإثنين فبراير 21, 2011 12:23 am

ليش راوي فضحت الاعيبنه

لازم نغير النظام والاساليب
avatar
صفاء كليانه
مساعد اداري
مساعد اداري

عدد المساهمات : 1152
تاريخ التسجيل : 30/01/2011

الرجوع الى أعلى الصفحة اذهب الى الأسفل

رد: (مواصفات الزوج الخائن)

مُساهمة من طرف رامية عيسى في الإثنين فبراير 21, 2011 6:14 am

يسلموا راوى

بس الحمدلله ماكو يمنا هل شى

ابو فادى كتاب مفتوح
avatar
رامية عيسى
عضو محترف
عضو محترف

الابراج : الميزان

عدد المساهمات : 761
تاريخ التسجيل : 01/02/2011
العمر : 38
الموقع : بهنام كروب

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى